काठमाडौं । लुम्बिनी जनरल इन्सुरेन्सले भदौ २८ गतेदेखि ४२ हजार ८१५ कित्ता सेयर लिलामीमा बेच्ने भएको छ । कम्पनीले सर्वसाधारण समूहको यो सेयर असोज ६ गतेसम्म बिक्री गर्ने जनाएको छ । यसका लागि लगानीकर्ताले न्यूनतम १०० रुपैयाँभन्दा बढी भाउ तोकी आवेदन दिनुपर्नेछ । यसमा न्यूनतम १०० देखि अधिकतम सबै कित्ताका लागि आवेदन दिन पाइनेछ ।
इन्सुरेन्सले गत असार ३० देखि भदौ १ गतेसम्म १०० प्रतिशत हकप्रद निष्कासन गर्दा बिक्री नभएको सेयर लिलामी गर्न लागेको हो । हाल यसको बजार मूल्य ९८० रुपैयाँ छ । लिलामीको बोलपत्र असोज ६ गते दिउँसो ४ बजे बिक्री प्रबन्धकको कार्यालयमा खोलिनेछ ।
गत आर्थिक वर्षको चौथो त्रैमाससम्म लुम्बिनीको चुक्ता पुँजी ३९ करोड रुपैयाँ छ । हकप्रद र बाँकी रहेको सेयर लिलामीमा बिक्रीपछि कम्पनीको चुक्ता पुँजी ७८ करोड रुपैयाँ पुग्नेछ ।
प्रकाशित मितिः २०७४ भाद्र २२
वि.सं.२०७४ भदौ २२ बिहीवार ११:३९ मा प्रकाशित