काठमाडौ । माछापुच्छ्रे बैंकको आज (बिहीबार) देखि १२ प्रतिशत हकप्रद सेयर बिक्री खुला भएको छ । बैंकले १०ः१.२ अनुपातमा ७९ लाख १८ हजार ४४० कित्ता सेयर बिक्री खुला गरेको हो ।
१०० रुपैयाँ अंकित मूल्यको हकप्रद सेयर भदौ ७ गतेसम्म भर्न पाइनेछ । माछाको यो हकप्रद सेयरमा जेठ १५ गतेसम्म कायम रहेका सेयरधनीले मात्र आवेदन दिन सक्नेछन् । यसमा एनएमबि क्यापिटल लिमिटेड नागपोखरी काठमाडौंबाट आवेदन दिन सकिनेछ । त्यसैगरी, माछापुच्छ्रे बैंकको अधिकांश शाखा कार्यालयबाट पनि आवेदन दिन सकिनेछ । हकप्रदको बिक्री प्रबन्धकको काम एनएमबि क्यापिटल लिमिटेडले गर्दैछ ।
हाल बैंकको चुक्ता पुँजी ६ अर्ब ५९ करोड ८७ लाख रुपैयाँ रहेको छ । हकप्रद निष्काशनपछि भने माछाको चुक्ता पुँजी ७ अर्ब ३९ करोड ५ लाख ४४ हजार रुपैयाँ हुनेछ ।
प्रकाशित मितिः २०७४ साउन ५
वि.सं.२०७४ साउन ५ बिहीवार ११:१७ मा प्रकाशित
