काठमाडौ । माछापुच्छ्रे बैंकले हकप्रदमा बिक्री नभएको सेयर लिलालीमा लैजाने भएको छ । बैंकले सर्वसाधारण समूहको तीन लाख २३ हजार २०६ कित्ता र संथापकतर्फको ४८ हजार ६२३ कित्ता गरी कुल तीन लाख ७१ हजार ८२९ कित्ता सेयर लिलामिमा बिक्री गर्न लागेको हो ।
लगानीकर्ताले न्यूनतम मूल्य एक सय रुपैयाँ भन्दा माथि भाउ तोकेर बोलपत्र फारम भर्नुपर्नेछ । बोलपत्र भर्ने मिति फागुन २७ गतेदेखि सुरु हुनेछ । चैत ३ गते भर्न सकिने अन्तिम म्याद तोकिएको छ । बिक्री प्रबन्धक सिभिल क्यापिटल मार्केट लिमिटेड काडमाडौं प्याजा कमलादीमा गएर फारम भर्न सकिने व्यवस्था छ ।
माछापुच्छ्रेले यसअघि मंसिर १९ गतेदेखि माघ २ गते सम्म ५० प्रतिशत हकप्रद सेयर बिक्री खुला गरेको थियो । हकप्रद लिलामीमा आवेदकले न्यूनतम एक सय कित्ता वा त्यो भन्दा बढी १० अंकले भाग जाने सबै कित्तामा आवेदन दिन पाउने छन् । बोलपत्र पेस गर्दा आवेदकले अनिवार्य रुपमा डिम्याट खाता उल्लेख गर्नु पर्नेछ । सेयर बाँडफाँट पछि डिम्याट खातामै सेयर जम्मा हुने भएकाले डीम्याट खाता नहुनेको आवेदन स्वतः रद्द हुने बैैंकले जनाएको छ । बोलपत्र चैत ४ गते सिभिल क्यापिटल मार्केट लिमिटेड काडमाडौं प्याजा कमलादीमा विहान ११ बजे खोलिने छ ।
प्रकाशित मितिः २०७३ फागुन १४
वि.सं.२०७३ फागुन १४ शनिवार १५:४० मा प्रकाशित