काठमाडौ। तेस्रो मुलुकबाट आयात गरिने सामान ढुवानीका लागि प्रयोग हुने भारतको कोलकाता बन्दरगाहबाट बारम्बार सास्ती बेहोर्दै आएका आयातकर्ताको समस्या झन् बढ्दै गएको छ । यसले नेपाली आयातकर्ताहरु मारमा परेका छन् भने दशैं नजिकिँदै जाँदा उपभोक्ता पनि मारमा पर्ने देखिएको छ ।
साउनको अन्तिम साता आएको बाढीका कारण रेलवे सेवाबाट ढुवानी बन्द हुँदा रोकिएको ६२८ कन्टेनर अझै कोलकाता बन्दरगाहमा फसेको नेपाल उद्योग वाणिज्य महासंघका कार्यकारिणी समिति सदस्य गणेश लाठ बताउँछन् ।
रेल सेवा बन्द भएपछि थुप्रिएको कन्टेनर रेल ¥याक उपलब्ध नहुँदा ढुवानी हुन नसकेको हो । कोलकाताबाट ढुवानीको जिम्मा पाएको भारतीय रेलवेको भगिनी संस्था कङ्करको ढिलासुस्तीका कारण पनि आयातकर्ताहरूले अतिरिक्त शुल्क तिर्नुपर्ने बाध्यता रहेको उनले बताए । यसले दसैंको मुखमा बजारमा महँगी बढ्ने देखिएको छ । कारोबार दैनिकबाट
प्रकाशित मितिः२०७४ भदौ १६
वि.सं.२०७४ भदौ १६ शुक्रवार ०७:५४ मा प्रकाशित