काठमाण्डौं । माहुली सामुदायिक लघुवित्त वित्तीय संस्था लिमिटेडले बैशाख ७ गतेदेखि साधारण सेयर निष्कासन गर्ने भएको छ । माहुलीले सर्वसाधारणका लागि एक करोड २० लाख रुपैयाँ बराबरको एक लाख २० हजार कित्ता सेयर जारी गर्ने भएको छ ।
कम्पनीको आइपीओमा बैशाख ७ गतेदेखि छिटोमा बैशाख ११ गते तथा ढिलोमा बैशाख २१ गतेसम्म आवेदन गर्न सकिनेछ । कम्पनीले जारी गर्ने एक लाख २० हजार कित्ता साधारण सेयर मध्ये ४ हजार ८ सय कित्ता कर्मचारीलाई तथा ६ हजार कित्ता सेयर सामुहिक लगानीकोषका लागि छुट्याएको छ । सर्वसाधारण लगानीकर्ताले एक लाख ९ हजार २ सय कित्ता सेयरका लागि मात्र आवेदन गर्न पाउनेछन् ।
ईच्छुक लगानीकर्ताले आश्वा अनुमति प्राप्त सम्पुर्ण बैंक तथा वित्तीय संस्था र तिनका शाखा कार्यलय मार्फत आवेदन गर्न सक्नेछन । साथै एनसिएम मर्चेण्ट बैङ्किङ लिमिटेड र माहुली सामुदायिक लघुवित्त वित्तीय संस्थाका शाखा कार्यालयहरु र सनराइज बैंकका विभिन्न १८ वटा शाखा मार्फत आवेदन गर्न पाइने कम्पनीले जनाएको छ ।
लगानीकर्ताले न्यूनतम ५० कित्ता अर्थात ५ हजार रुपैयाँ बराबर र अधिकतम ६०० कित्ता अर्थात ६० हजार रुपैयाँ बराबरको आवेदन गर्न पाउने कम्पनीको धितोपत्र निष्कासन तथा विक्री प्रबन्धक एनसिएम मर्चेण्ट बैङ्किङ लिमिटेडले जनाएको छ । ।
२९ चैत २०७३, ७।००
वि.सं.२०७३ चैत २९ मंगलवार ०७:२७ मा प्रकाशित
