काठमाण्डौं । नेपाल राष्ट्र बैंकबाट घ वर्गको इजाजत लिएको महुली सामुदायिक लघुवित्तले एक लाख २० हजार कित्ता साधारण सेयर निष्काशन गर्ने भएको छ। यस लघुवित्तले एनसिएम मर्चेण्ट बैंकिङ्गलाई निष्काशन तथा बिक्री प्रवन्धकमा नियुक्त गरेको छ।
माहुलीले २०७० जेठ ३० गतेबाट कारोवार संचालन गर्दै आएको छ। संस्थाले सप्तरी, सिरहा, उदयपुर, सुनसरी, खोटाङ्ग, भोजपुर, ओखलढुङ्गा, सिन्धुली, धनकुटा र रामेछाप गरी १० जिल्लामा २८ वटा शाखामार्फत वित्तीय सेवा प्रदान गरिरहेको छ।
संस्थाले अहिलेसम्म ९६ करोड ४३ लाख रुपैयाँ कर्जा लगानी गरेको छ भने सदस्यसँग ४९ करोड ४१ लाख रुपैयाँ बचत गरेको छ। यो संस्थामा ५४ हजार सेवाग्राही छन् ।
१२ असोज २०७३, १२।००
वि.सं.२०७३ असोज १२ बुधवार १४:२९ मा प्रकाशित