सप्तरी । सप्तरीमा गहुँ खेतीका लागि डिएपी मलको अभाव भएको छ । मलको अभावका कारण जिल्लाका किसानलाई गहुँ खेती गर्न समस्या भएको छ । कृषि सामग्री संस्थान र साल्ट टे«डिङको गोदाममा उक्त मल मौज्दात नभएपछि वितरण गर्न नसकिएको कर्मचारीले बताएका छन् ।
साल्ट टे«डिङ शाखा कार्यालय सप्तरीमा डिएपी मलबाहेक युरिया र पोटास मौज्दात रहेको त्यहाँका प्रमुख ब्रह्मदेव ठाकुरले बताए । “हामीकहाँ गहुँको बीउ उपलब्ध छ, तर डिएपी मल मौज्दात छैन,” उनले भने ।
जिल्लामा २५ हजार हेक्टर जमिनमा गहुँ खेती हुने गरेकामा प्रतिहेक्टर ९० किलो डिएपी मल आवश्यक पर्ने कृषि विकास कार्यालयका प्रमुख भागीरथ यादवले बताए । अहिले दुई हजार २५० मेट्रिक टन डिएपी मल आवश्यक छ । गहुँको बीउमा सरकारीस्तरबाट अनुदानको व्यवस्था रहेको छ ।
“कृषि विकास मन्त्रालयले रु ४२ लाख अनुदान रकम आएको छ,” उनले भने । जिल्लामा २५ हजार हेक्टर जमिनमा वार्षिक ५० हजार मेट्रिक टन गहुँ उत्पादन हुने गरेको कार्यालयले जनाएको छ ।रासस
प्रकाशित मितिः २०७४ कार्तिक १७
वि.सं.२०७४ कात्तिक १७ शुक्रवार १५:११ मा प्रकाशित
