काठमाण्डौं । मन्जुश्री फाईनान्सले १७५ प्रतिशत हकप्रद निश्काशन गर्दा नबिकेको १० लाख चार हजार ९० कित्ता सेयर सोमबारदेखि लिलाममा राखेको छ । मन्जुश्रीले सर्वसाधारण समूहतर्फका ६९ हजार १६ कित्ता साधारण सेयर र नौ लाख ३५ हजार ७४ कित्ता संस्थापक सेयर लिलाममा ल्याएको हो ।
मन्जुश्रीको सेयर लिलाममा सहभागी हुन चाहने लगानीकर्ताले बिक्री प्रबन्धक एस क्यापिटलमा एक सय रुपैयाँ वा सो भन्दा बढी प्रति कित्ताको दरमा दश कित्ताको गुणांकमा आवेदन गर्नु पर्ने हुन्छ । सेयर लिलाममा आवेदन गर्ने अन्तिम मिति बैशाख ५ गते सम्म निर्धारण गरिएको छ । फाइनान्सको सेयर बेलकबोल बैशाख छ गते मध्यान्ह तीन बजे एस क्यापिटलमा खोलिनेछ ।
२९ चैत २०७३, ७।००
वि.सं.२०७३ चैत २९ मंगलवार ०७:३७ मा प्रकाशित