काठमाडौ । साउन महिनायता कुखुराको मासुको खपतमा गिरावट आएको छ । साउनमा अधिकांश मानिसहरू व्रत बस्ने भएकाले मासुको खपतमा करिब २५ प्रतिशतले गिरावट आएको हो । सामान्य आवस्थामा काठमाडौ उपत्यकामा औसतमा दैनिक साढे २ लाख किलोग्रामदेखि साढे ३ लाख किलोग्रामसम्म खपत हुँदै आएकोमा पछिल्लो समय कुखुराको मासुको खपतमा २५ प्रतिशतले गिरावट आएको हो ।
साउन महिना लागेयता कुखुराको मासुको खपत औसतमा दैनिक ७५ हजार किलो ग्रामदेखि ९० हजार किलो ग्रामसम्म भइरहेको राष्ट्रिय कुखुरा बिक्री व्यवसायी संघका अध्यक्ष जङ्गबहादुर बीसीले बताए । ‘सामान्य आवस्थामा कुखुराको मासुको खपत औसतमा दैनिक साढे २ लाख किलो ग्रामदेखि साढे ३ लाख किलो ग्रामसम्म खपत हुन्थ्यो ।
अहिले साउन महिना लागेयता मासुको खपतमा केही कमी आएको छ,’ अध्यक्ष बीसीले भने । ‘साउन महिनामा अधिकांश मानिसहरू व्रत बस्ने भएकाले मासुको खपतमा कमी आउने गर्छ ।’
प्रकाशित मितिः २०७४ साउन २४
वि.सं.२०७४ साउन २४ मंगलवार १७:०३ मा प्रकाशित