काठमाडौ । नेपाल राष्ट्र बैंकले तोकको ८ अर्ब चुक्तापूँजी पुर्याउने क्रममा मेगा बैंकले भदौ २७ गतेदेखि ६५ प्रतिशत हकप्रद सेयर बिक्री खुला गर्ने भएको छ । बैंकले प्रतिकित्ता एक सय रुपैँयाका दरले २ अर्व ९७ करोड ८५ लाख ३ हजार चार सय ३३ रुपैंया बराबरको २ करोड ९७ लाख ८५ हजार ३४.३३ कित्ता सेयर शेयरधनीहरुलाई निष्काशन गर्न लागेको हो । उक्त हकप्रद असोज ३० गतेसम्ममा भर्न सकिनेछ ।
बैंकको चुक्ता पूँजी ४ अर्ब ५८ करोड रुपैयाँ छ । ६५ प्रतिशत हकप्रदपछि चुक्ता पूँजी ७ अर्ब ५६ करोड पुग्नेछ । हकप्रदपछि अपुग पूँजी बैंकले गतबर्षको बोनसबाट पुर्याउने सम्भावना देखिन्छ । बैंकले गत बर्ष ७९ करोड १४ लाख रुपैयाँ नाफा कमाएको थियो उसको जगेडा कोषमा एक अर्ब २८ करोड रुपैयाँ छ ।
टुरिजम डेभलपमेण्ट बैंकलाई गाभ्ने प्रक्रियामा रहेको मेगााको टुरिजमलाई समेत गाभ्दा चुक्ता पूँजी नौ अर्ब बढी पुग्ने देखिन्छ । बैंकले टुरिजम डेभलपमेन्ट बैंक बिच एक आपसमा गाभ्ने र गाभिने सम्बन्धमा सैद्धान्तिक सहमति भएपछि शेयर कारोबार गत माघ ९ गतेदेखि रोक्का छ।
२०७३ माघ ६ गतेसम्म कायम भएका शेयरधनीले उक्त हकप्रदमा आवेदन दिन पाउनेछन् । बैंकको हकप्रद सेयरको नबिल इन्भेष्टमेन्ट बैंकिङ लिमिटेड नक्साल, मेघा बैंकको केन्द्रीय तथा सम्पूर्ण शाखा कार्यालयहरुबाट आवेदन दिन पाइने छ।
प्रकाशित मितिः २०७४ भदौ ९
वि.सं.२०७४ भदौ ९ शुक्रवार १८:१३ मा प्रकाशित
