काठमाण्डौं । नेपाल स्टक एक्सचेन्जले दुई विकास बैंकको सेयर कारोबार रोकेको छ । भिबोर सोसाइटी बिकास बैक र लुम्बिनी फाइनान्स एण्ड लिजिङ कम्पनीको मर्जर प्रकृया सुरु भएसँगै यी कम्पनीको सेयर कारोबार रोकेको हो। नेप्सेले मंगलबार देखि यी कम्पनीको कारोबार रोक्का गरेको जनाएको छ।
सोमबार दुई कम्पनीबीच मर्जरको सहमति बनेको थियो। मर्ज गर्नकालागि भिबोरका अध्यक्ष सुशीलराज पराजुली र लुम्बिनीका अध्यक्ष चिन्तामणी भट्टराईले समझदारी पत्रमा हस्ताक्षर गरेका छन्।
दुबै संस्था मर्ज भएपछि चुक्ता पूँजी दुई अर्ब ३७ करोड पुग्नेछ। त्यसैगरी निक्षेप १७ अर्व, कर्जा प्रवाह १५ अर्व तथा शाखा संख्या ४९ पुग्नेछ।
मर्जपछि बन्ने बिकास बैंकको नाम लुम्बिनी बिकास बैंक लिमिटेड रहने छ भने अध्यक्षमा भिबोर सोसाइटीका अध्यक्ष पराजुली हुनेछन्। बैंकको प्रमुख कार्यकारी अधिकृतमा भिबोरकै झलकप्रसाद खनाल रहने र नायब प्रमुख कार्यकारी अधिकृतमा लुम्बिनीका सिइओ उमेश रेग्मी रहने सहमति भएको छ। सेयर आदान प्रदान अनुपात भने डिडिएबाट तय गर्ने जनाइएको छ।
.jpg)
.png)
२५ माघ २०७३, ११।००
वि.सं.२०७३ माघ २५ मंगलवार ११:१९ मा प्रकाशित
