काठमाण्डौं । सेयर बाँडफाँड भएको ५ दिनमा पैसा फिर्ता गर्नुपर्ने व्यवस्था अनुरुप मेरो माइक्रोफाइनान्समा शेयर नपरेको पैसा सोमबारदेखि फिर्ता हुने सेयर निष्काशन तथा बिक्रि प्रबन्धक ग्लोबल आइएमई क्यापिटलले जनाएको छ ।
मेरो माइक्रोमाइनान्सले निष्काशन गरेको ६ लाख १२ हजार कित्ता साधारण सेयर बुधबार बाँडफाँड भएको थियो । ६ लाख १२ हजार कित्ता सेयरका लागि कुल १ लाख ८२ हजार २३ वटा आवेदन परेको थियो । जसमा कर्मचारी बाहेकका ५० हजार रुपैंया भन्दा थोरैको सेयर माग्ने १ लाख ५३ हजार २८ मध्ये २२ हजार २ सय ७७ जनाले मात्र सेयर पाएका छन् ।
क्यापिटलका अनुसार आवेदकहरुको बैंक खातामा पैसा जम्मा गरिदिने तयारी भैरहेको छ । बैंकहरुमा आवेदकको विबरण रुजु गर्न पठाइएको जनाउँदै उसले कुन् कुन् बैंकको खातामा पैसा जम्मा गरिदिने भन्ने सम्बन्धमा शुक्रबार बेलुका निर्णय हुने बताएको छ ।
ग्लोबल आइएमई बैंकको मुख्य लगानी रहेको माइक्रोफाइनान्सले गत फागुन २७ गतेदेखि चैत १ गतेसम्म ६ लाख १२ हजार कित्ता साधारण सेयर निष्काशन गरेको थियो ।
३१ बैशाख २०७३, ८।००
वि.सं.२०७३ वैशाख ३१ शुक्रवार ११:२६ मा प्रकाशित
