काठमाण्डौं । किसानले पाउने तथा उपभोक्ताले प्याकेटमा तिर्ने दूधको मूल्य नबढेको दुई वर्ष भएको भन्दै भाउ बढाउने तयारी सुरु गरिएको छ। लामो समयदेखि दूधको मूल्य नबढाइएको भन्दै सरकारी पक्ष, किसान तथा व्यवसायीहरुबीच विद्यमान दरलाई बढाउनेगरी अध्ययन गर्न एक टोली गठन गरिएको छ।
राष्ट्रिय दुग्ध विकास बोर्डका कार्यकारी निर्देशक कैलाश प्रसाद ढुुङ्गेलका अनुसार किसान तथा डेरी उद्योगीहरुले दुई वर्षदेखि मूल्य नबढेको भन्दै पटक पटक बढाउन लगातार दबाब दिइरहेका छन्।
तर यता, डिसीले भने मूल्य बढाउँदैमा दूधको समस्या समाधान नहुने भन्दै उत्पादन बढाउनु पर्नेमा जोड दिएको छ । ‘दुई वर्ष अघि नै दूधको मूल्यमा भारी वृद्धि भइसक्यो, फेरी पनि बढाउने हो भने आम उपभोक्ता मारमा पर्ने निश्चित छ तर त्यसले दूधको अभाव त समाधान हुन सक्दैन नि’ डिडिसीका उपमहानिर्देशक इश्वरी प्रसाद अधिकारीले भने ।
प्याकेट दूधको मूल्य आधा लिटरको ३२ रुपैयाँ पर्दछ भने डिडिसी हरियो दूधको मूल्य ४० रुपैयाँ पर्दछ। किसानले भने ४५ र ४६ रुपैयाँ प्रतिलिटरमा बेच्ने गर्दछन्।
२६ फागुन २०७३, ११।००
वि.सं.२०७३ फागुन २६ बिहीवार १२:०० मा प्रकाशित