काठमाडौं । मिस टुरिजम २०१७ को उपाधी पोखराकी आरती थापाले जितेकी छिन । शुक्रवार भएको फाईनलमा नेपाल एशोशियसन अफ टुर्स एण्ड ट्राभल एजेन्ट्स(नाट्टा) का अध्यक्ष मधुसुदन आचार्यले सोधेकोे अवको दश वर्ष पछि नेपालको पर्यटन उद्योग कस्तो अवस्थामा हुनेछ भन्ने प्रश्नको उत्तर दिएर आरतले मिस टुरिजम–२०१७ को उपाधी जितेकी हुन् ।
थापाले मिस पब्लिक च्वाईसको उपाधि पनि पाईन । थापालाई मिस टुरिजम–२०१६ ओरुसा थापाले ताज लगाईदिईन भने नेपाल पर्यटन वोर्डका सञ्चालक समिति सदस्य राजेन्द्र प्रसाद सापकोटा,अर्थबाउण्ड एक्सपीडिसन प्रा.लि.का प्रबन्ध निर्देशक राजन सिंखडा र प्वाईन्ट मिडिया प्रा.लि.का प्रबन्ध निर्देशक नविन काफ्लेले नगद पचास हजार सहितका पुरस्कार हस्तान्तरण गरे ।
त्यसैगरी मिस पर्सनालिटी र मिस स्माईल सहित मिस टुरिजम फस्ट रनर अपको उपाधी काठमाडौंकी क्रिस्टिना श्रेष्ठले जितिन् । त्यस्तै मिस फिगर र मिस फोटोजेनिक सहित सेकेण्ड रनर अपरको उपाधी एन्जि लामाले जितिन । फस्ट रनर अप र सेकेण्ड रनर अपले क्रमशः नगद तीस र बिस हजार प्राप्त गरे । त्यस्तै मिस वाक पल्लवी सुवाल,मिस डिसिप्लिन रोमा खड्का,मिस ईन्टेलिजेन्ट सुजाता लामा,मिस ट्यालेन्ट रोशनी गौतम र मिस फ्रेण्डसिपको उपाधी युना राईले जितिन् ।
प्रकाशित मितिः२०७४ कार्तिक २६
वि.सं.२०७४ कात्तिक २६ आइतवार १३:३६ मा प्रकाशित
