काठमाडौ । मिसन डेभलपमेन्ट बैंक लिमिटेडको सातौं वार्षिक साधारणसभा आगामी असार २६ गते बुटवलको अम्रपाली कटेज एण्ड रेष्टुरेन्टमा हुने भएको छ । साधारण सभाका लागि बैंकले विभिन्न प्रस्तावहरु अगाडि लैजाँदैछ ।
बैंकले यसअघि जारी गरेको शतप्रतिशत हकप्रदपछि सेययरधनीलाई ११ प्रतिशत बोनस दिने भएको छ । शतप्रतिशत हकप्रद जारी गर्नुअघि बैंकले सेयरधनीलाई २२ प्रतिशत बोनस सेयर दिने घोषणा गरेको थियो । बैंकले कर प्रयोजनका लागि २२ लाख ५७ हजार रुपैंया बराबरको नगद लाभाँश प्रदान गर्ने भएको छ ।
यसका लागि असार १४ गते अगावै सेयर किनिसकेका सेयरधनीले साधारण सभामा सहभागीता सँगै लाभाँश पाउनेछन् । बैंकले असार १४ लाई बुक क्लोजको मिति तोकेको छ ।
शत प्रतिशत हकप्रद बिक्रीपपछि बैंकको चुक्ता पुँजी ३८ करोड ९८ लाख पुगेको छ । बोनस बाँडेपछि बैंकको चुक्तापुँजी ४३ करोड २६ लाख पुग्नेछ । राष्ट्र बैंकको निर्देशनअनुसार एक देखि ३ जिल्ला कार्यक्षेत्र बनाएर काम गरिरहेका विकास बैंकले चालु आर्थिक वर्षको अन्त्यसम्ममा चुक्तापुँजी ५० करोड पुर्याउनुपर्नेछ । राष्ट्र बैंकको निर्देशिकाअनुसार अब बैंकले ६ करोड ७४ लाख रुपैंया थप गर्नुपर्नेछ ।
प्रकाशित मितिः २०७४ जेठ २९
वि.सं.२०७४ जेठ २९ सोमवार ११:४६ मा प्रकाशित