काठमाण्डौं । नेपाल लाइफ इन्स्योरेन्स फर्दर पब्लिक अफरिङ (एफपिओ) र फर्वार्ड कम्युनिटी माइक्रो फाईनान्सको प्राथमिक सेयर (आइपिओ)मा आबेदन दिने लगानीकर्ताको पैसा बिहीबारबाट फिर्ता हुने भएको छ।
नेपाल लाइफको एफपिओमा आबेदन दिँदा माछापुच्छ्रे बैंक, सिद्धार्थ बैंक, कुमारी बैंक, एनआईसी एशिया बैंक, नेपाल क्रेडिट एण्ड कर्मस बैंक, एस डेभलपमेन्ट, ज्योति विकास बैंक, सिद्धार्थ डेभलपमेन्ट बैंक, यति डेभलपमेन्ट बैंक, पुर्णिमा विकास बैंक, अरनिको डेभलपमेन्ट बैंक, तिनाउ डेभलपमेन्ट बैंक, गुडविल फाईनाइन्स र श्री ईन्भेष्टमेन्ट बैंकिङ एण्ड फाईनाइन्सको खाता उल्लेख गर्ने लगानीकर्ताको खातामा नै पैसा जानेछ। बाँकीले भने आवेदन दिएकै ठाउँबाट चेक फिर्ता लिन सक्ने निस्कासन तथा बिक्री प्रबन्धक सिद्धार्थ क्यापिटलले जनाएको छ।
फर्बाड माइक्रो फाईनान्सलका आवेदक मध्ये माछापुच्छ्रे बैंक, एनएमबी बैंक र नबिल बैंकमा खाता हुनेको पैसा खातामै जाने र बाँकीले आवेदन गरेको ठाउँबाट चेक लिनु पर्ने निस्कासन तथा बिक्री प्रबन्धक नबिल इन्भेस्टमेन्टले जनाएको छ ।
२६ फागुन २०७३, ११।००
वि.सं.२०७३ फागुन २६ बिहीवार १२:१२ मा प्रकाशित
