काठमाडौं । मुक्तिनाथ विकास बैंकको ४० प्रतिशत हकप्रद सेयर भर्ने म्याद आइतबार (असोज ८ गते) सकिंदैछ । यस हकप्रदको आवेदन दिन अब २ दिनमात्र बाँकी छ ।
मुक्तिनाथले भदौ ४ देखि १०ः४ अनुपातमा प्रतिकित्ता १०० रुपैयाँ दरको ६१ लाख ७० हजार ८६५.०४ कित्ता हकप्रद सेयर बिक्रीमा ल्याएको हो । एनआइबीएल क्यापिटलले यसमा बिक्री प्रबन्धकको काम गरेको छ । लगानीकर्ताले बिक्री प्रबन्धकको कार्यालय लाजिम्पाट काठमाडौं तथा नेपाल इन्भेष्टमेन्ट बैंकको विराटनगर, नेपालगन्ज र धनगढी शाखाबाट आवेदन दिन सक्नेछन् ।
यसैगरी, मुक्तिनाथको रजिष्टर्ड कार्यालय कमलादी र यसका सम्पूर्ण शाखा कार्यालयबाट पनि हकप्रद भर्न सकिनेछ ।साउन १९ गतेसम्म कायम भएका सेयरधनीले मात्र यसमा आवेदन दिन पाउनेछन् ।
प्रकाशित मितिः २०७४ असोज ५
वि.सं.२०७४ असोज ५ बिहीवार १२:५८ मा प्रकाशित
