काठमाण्डौं । मुक्तिनाथ विकास बैंकले गत आर्थिक वर्षको कमाईबाट बितरण गरेको ३४ प्रतिशत बोनस सेयर पाउन लगानीकर्ताले कर तिर्नु पर्ने भएको छ । कर तिरे पछि मात्र लगानीकर्ताको डिम्याट खातामा बोनस सेयर पठाइने बताएको हो ।
२०७२ असार असान्त पछि सेयर खरिद गरेका लगानीकर्तालाई बैंकले कर वापतको रकम जम्मा गरिदिन आग्रह गरेको हो । बैंकले मुक्तिनाथ विकास बैंकमा रहेको खाता नम्बर ०१३ ९२७ ७३५ ०१० १५ मा कर वापतको रकम जम्मा गर्न भनेको छ । उसले लगानीकर्तालाई बोनसको कर वापतको रकम जम्मा गर्दा डिम्याट खाता पनि उल्लेख गर्न आग्रह गरेको छ ।
नामबाट मात्र कर वापतको रकम जम्मा गर्दा लगानीकर्ताको पहिचान गर्न समस्या भई निर्धारित समयमा सेयर डिम्याट खातामा पठाउन नसकिने भन्दै डिम्याट खाता पनि भौचरमा उल्लेख गर्न आग्रह गरेको हो ।
८ चैत २०७३, १।००
वि.सं.२०७३ चैत ८ मंगलवार १५:१२ मा प्रकाशित