काठमाडौ । मुक्तिनाथ विकास बैंकको ४० प्रतिशत हकप्रद आइतबार देखि बिक्री खुला भएको छ । मुक्तिनाथले १०ः४ अनुपातमा प्रतिकित्ता १०० रुपौयाँ दरको ६१ लाख ७० हजार ८६५०४ कित्ता अर्थात् ६१ करोड ७० लाख रुपैंयाभन्दा बढिको हकप्रद सेयर बिक्रीमा ल्याएको हो ।
हकप्रदमा एनआइबीएल क्यापिटलले बिक्री प्रबन्धकको काम गरेको छ । लगानीकर्ताले बिक्री प्रबन्धकको कार्यालय लाजिम्पाट काठमाडौ तथा नेपाल इन्भेष्टमेन्ट बैंकको विराटनगर, नेपालगंज र धनगढी शाखाबाट आवेदन दिन सक्नेछन् । यसैगरी, मुक्तिनाथको रजिष्टर्ड कार्यालय कमलादी र यसका सम्पूर्ण शाखा कार्यालयबाट पनि हकप्रदका लगि आवेदन दिन सकिनेछ ।
यसमा साउन १९ गतेसम्म कायम भएका सेयरधनीले मात्र आवेदन दिन पाउनेछन् । हकप्रद भर्ने अन्तिम म्याद भने असोज ८ गते तोकिएको छ । हाल मुक्तिनाथको चुक्ता पुँजी १ अर्ब ५४ करोड २७ लाख १६ हजार २६० रुपैयाँ छ । हकप्रद बिक्रीपछि बैंकको चुक्ता पुँजी २ अर्ब १५ करोड ९८ लाख २ हजार ७६४ रुपैयाँ पुग्नेछ ।
प्रकाशित मितिः २०७४ भदौ ४
वि.सं.२०७४ भदौ ४ आइतवार १६:११ मा प्रकाशित
