काठमाडौ । ‘सङ्गीत शिक्षाको सांस्कृतिक विविधतासम्बन्धी अन्तर्राष्ट्रिय सम्मेलन’ आजदेखि यहाँ सुरु भएको छ । नेपालको सङ्गीत शिक्षालाई प्रवद्र्धन गर्ने उद्देश्यले नेपाल म्युजिक ट्रस्ट र हेसिक्ङ विश्वविद्यालय नेदरल्यान्ड्सको संयुक्त आयोजनामा भएको सम्मेलनको वरिष्ठ संस्कृतिविद् सत्यमोहन जोशीले उद्घाटन गर्दै अन्य शिक्षाजस्तै सङ्गीत शिक्षाको पनि आवश्यकता रहेको बताए ।
उनले नेपालमा रहेका विविध प्रकार सङ्गीतलाई जोगाइराख्नुपर्नेमा जोड दिए ।
हेसिक्ङ विश्वविद्यालयका प्रा हाइठी ओस्टरल्यान्डले नेपाल सांस्कृतिक विविधताको देश रहेकाले यहाँ सङ्गीतका धेरै कुरा सिक्न सकिने बताए । ट्रस्टका सदस्य सचिव सन्तोष शर्माले सम्मेलनले नेपालको सङ्गीत शिक्षालाई अगाडि लैजान सहयोग पु¥याउने बताए ।
सम्मेलनमा नेपालसहित जापान, चीन, नेदरल्यान्ड्स, सिङ्गापुर, डेनमार्क, भारत, फिनल्यान्डलगायत १६ देशका एक सय ३० सङ्गीतविज्ञ र प्राध्यापकको सहभागिता छ । चार दिनसम्म चल्ने सम्मेलनमा विदेशका ६० र नेपालका ५० कार्यपत्र प्रस्तुत गरिने छ । रासस
प्रकाशित मितिः २०७३ चैत १६
वि.सं.२०७३ चैत १६ बुधवार १५:४२ मा प्रकाशित
