मुस्ताङ । अमेरिकी नागरिक ड्रायन चार्ल्स ब्राम्लेटको मृत्यु भएको छ । पदयात्राको क्रममा घनी गाबिसको उपल्लो भेगको लेकमा आइतबार उनको मृत्यु भएको हो ।
५३ बर्षिय ड्रायन चार्ल्स साथमा अन्य तीनजना साथी सँगै थिए । लेक लागेर हो वा चोटपटक लागेर मृत्यु भएको पोष्टमार्टम पछि थाहा हुने प्रहरिले जनाएको छ । मुचुल्काका लागि सदरमुकामबाट घटनास्थल तर्फ प्रहरी टोली गइसकेको छ । शव ल्याउनका लागि जिल्ला प्रशासन कार्यालयले बिहानै गृह मन्त्रालयमा पत्राचार गरेको थियो ।
अमेरिकी राजदुताबाससँगको समन्वयमा शव ल्याउन मन्त्रालयबाट हेलिकप्टर झिकाउने काम भएको प्रमुख जिल्ला अधिकारी गणेश अधिकारीले जानकारी दिए ।
माघ २५, २०७२
वि.सं.२०७२ माघ २५ सोमवार १६:४७ मा प्रकाशित
