काठमाण्डौं । नागबेली लघुवित्त विकास बैंक लिमिटेडले निष्कासन गरेको ५० प्रतिशत अर्थात दुई बराबर एक अनुपातको हकप्रद सेयरमा आवेदन दिने आज अन्तिम दिन हो । बैंकले गत मंसिर २० गतेबाट एक करोड २५ लाख रुपैयाँ बराबरको १ लाख २५ हजार कित्ता हकप्रद सेयर आवेदन खुलाएको थियो ।
यसअघि हकप्रद निष्कासन बन्द मिति पुस २४ गते हुने भनिएपनि सेयरधनीहरुको विशेष अनुरोधलाई मध्यनजर गरि सञ्चालक समितिको बैठकले माघ १० गतेसम्म म्याद थप गरेको थियो ।
बैंकको धितोपत्र निष्कासन तथा बिक्री प्रबन्धक एनएमबी क्यापिटल लिमिटेड रहेको छ । सेयरधनीहरुले शेयर रजिष्ट्रारका साथमा नागबेली लघुवित्त तथा एनएमबी बैंकका शाखा कार्यालयहरुबाट आवेदन दिन सक्नेछन् ।
हाल बैंकको चुक्ता पूँजी २ करोड ५० लाख रहेकोमा हकप्रद सेयर निष्कासन पछि सो पूँजी ३ करोड ७५ लाख पुग्नेछ । हकप्रद निष्कासन प्रयोजनको लागि बैंकले गत मंसिर ६ गते सेयरधनी दर्ता पुस्तिका बन्द गरेको थियो ।
१० माघ २०७३, ११।००
वि.सं.२०७३ माघ १० सोमवार १०:४५ मा प्रकाशित
