काठमाडौ । नबिल बैंकले सेयरधनीहरुलाई ४८ प्रतिशत लाभाँश दिने प्रस्ताव अगाडि बढाउँदैछ । सभामा बैंकले गत वर्षको नाफाबाट ३० प्रतिशत बोनस सेयर र १८ प्रतिशत नगद लाभांश दिने सञ्चालक समितिको निर्णयलाई साधारण सभाबाट पारित गर्ने प्रस्ताव पेस गदैैछ । बैंकको ३३ औं वार्षिक साधारण सभा आगामि असोज १० गते हुने भएको छ ।
त्यस्तै, बैंकले अधिकृत पुँजी १० अर्ब रुपैयाँ पुर्याउने अर्को विशेष प्रस्ताव पनि पेश गर्दैछ । सभामा राष्ट्र बैंकको निर्देशन बमोजिम बैंकको खुद नाफाको १ प्रतिशत रकम संस्थागत सामाजिक उत्तरदायित्वको लागि छुट्याउने र सो रकम नबिल फाउण्डेसन मार्फत खर्च गर्ने प्रस्ताव पनि पेश गरिने भएको छ । सभा प्रयोजनको लागि नबिलले भदौ २७ गते सेयरधनी दर्ता किताब बन्द गर्नेछ । यसआधारमा, बैैंकले दिने लाभांश पाउन भदौ २६ गतेसम्ममा सेयर किनिसकेको हुनुपर्नेछ ।
प्रकाशित मितिः २०७४ भदौ २६
वि.सं.२०७४ भदौ २६ सोमवार ११:२८ मा प्रकाशित
