काठमाण्डौं । राजधानीको भृकुटीमण्डपमा सुरु भएको नाडा अटो शोमा तीन दिनमा दस करोड १५ लाख रुपैयाँ भन्दा बढीको बाइक तथा स्कुटरको बुकिङ भएको छ। विभिन्न कम्पनीका १५ स्टलबाट दुई सय ७१ जना ग्राहकले बुक गरेका हुन्। जसमध्ये ७६ वटा बाइक तथा एक सय ९८ वटा स्कुटर छन्।
सैंको मुखमा सुरु भएको नाडा अटो शोमा ग्राहकलाई आकर्षित गर्ने उदेश्यले १५ प्रतिशत सम्मको छुट अफर सहित विभिन्न कम्पनीले सस्ता र नयाँ मोडलका बाइक तथा स्कुटर सार्वजनिक गरेका छन्। शोमा बजाज, यामाहा, हिरो, होण्डा, टिभिएस, युएम, केटिएम लगायतका १५ ब्राण्डका बाइक तथा स्कुटरहरु राखिएका छन्।
कम्पनीले आक्रमक अफर ल्याएसँगै ग्राहकको आकर्षण बढ्दो छ। सौखिन राइडरका रुपमा नयाँ बाइक तथा स्कुटरमा युवापुस्ताको चासो छ। कम्पनीहरुबीच भइरहेको तिव्र प्रतिस्पर्धाले ग्राहकलाई फाइदा पुगेको छ। अटो शोमा यामाहा, बजाज र हिरो कम्पनीले भने बुकिङ खुलाएका छैनन्।
१७ भदौ २०७३, ९।००
वि.सं.२०७३ भदौ १७ शुक्रवार ११:३१ मा प्रकाशित