काठमाडौ । उपत्यकाको नागार्जुन नगरपालिकाको नगरसभाले असार २५ गते आईतबार ६४ करोडको बजेट पारित गरेको छ । नगरपालिकाले ६४ करोड रुपैंया बराबरको बजेट प्रस्तुत गरी पारित गरेको हो । नेपाल सरकारको ३३ करोड,आन्तरिक ऋणबाट १५ करोड, आन्तरिक स्रोत एवं राजश्वबाट १३ करोड र उपभोक्ताको सहभागीताबाट ३ करोड सहित ६४ करोड रुपैंया बराबरको आय व्याय प्रस्तुत गरिएको हो ।
नगरपालिकाले प्रत्येक वडाका लागि १ करोड ५० लाखको सिलिङ राखेर बजेट पास गरेको छ । नगस्तरीय योजना तथा कार्यक्रमहरुको बारेमा केहि असहमति र थप छलफल आवश्यक भएकाले आईतबार उक्त कार्यलाई स्थगित गरी आज ब्यापक छलफल भईरहेको छ । आजै नगरस्तरीय योजना तथा कार्यक्रमहरु पास हुने बताईएको छ ।
वि.सं.२०७४ असार २६ सोमवार १४:१८ मा प्रकाशित