काठमाडौ। नागढुङ्गा सुरुङमार्ग निर्माण परियोजना कार्यान्वयनका लागि नेपाललाई रु १५ अर्ब २८ करोड ऋण (१६.६३ विलियन जापानी ऐन) सहायता उपलब्ध गराउने सम्झौतामा जापानले हस्ताक्षर गरेको छ ।
उपप्रधान एवं अर्थमन्त्री कृष्णबहादुर महरा र भौतिक पूर्वाधार तथा यातायातमन्त्री रमेश लेखकको उपस्थितिमा अर्थ मन्त्रालयमा उक्त सम्झौतामा हस्ताक्षर भएको हो । अर्थ सचिव डा शान्तराज सुवेदी र जापनी राजदूमासामी ओगावाले सम्झौतामा हस्ताक्षर गरेका हुन् ।
सम्झौताअनुसार ०.०१ प्रतिशत ब्याजदरमा जापान सरकारले उक्त ऋण उपलब्ध गराउनेछ ।
जापानले बनाउने २.५ किलोमिटर लामो उक्त टनेल सन् २०२२ मा सम्पन्न गरिनेछ ।
सडक विभागले कार्यान्वयन गर्ने उक्त सडक परियोजनाले दुई लेनको २.५ किलोमिटरको सडक निर्माण गर्नेछ । यसले यातायात समय अवधिलाई कम गर्नेछ । २१ अर्ब जापानी येनमा सम्पन्न हुने उक्त परियोजनाको १६.६३ अर्ब जापानी ऐन जापानले र बाँकी नेपाल सरकारले व्यहोर्ने छ ।
प्रकाशित मितिः २०७३ पुस ७
वि.सं.२०७३ पुस ७ बिहीवार १४:५३ मा प्रकाशित