काठमाडौ। हिमाली क्षेत्रमा उद्धार र विभिन्न सामाजिक गतिविधि गर्दै आएको संस्था हिमालय उद्धार संघमा नयाँ कार्यसमिति चयन भएको छ । कार्यसमितिको अध्यक्षमा नरेन्द्रदेव भट्ट निर्विरोध निर्वाचित भएका छन् ।
उपाध्यक्षमा वसन्त बहादुर हमाल निर्वाचित भएका छन् । उनले आफ्ना प्रतिष्पर्धि हरि धरेललाई तीन मतको अन्तरले पछि पार्दै विजयी भएका हुन् ।
यस्तै महासचिवमा पृथ्वी श्रेष्ठ, कोषाध्यक्षमा श्रीराम खत्री निर्वाचित भएका छन् । तीन वर्षे कार्यकालका लागि भएको निर्वाचनमा सदस्यहरु बिक्रम न्यौपाने, थुक्तेत शेर्पा, डम्बर पराजुली, परशुराम कार्की र जगतमान लामा निर्वाचित भएका छन् । सहयोगी सदस्यहरुको तर्फबाट गणेश न्यौपाने र सिताराम सापकोटालाई समेत कार्यसमिति सदस्यमा मनोनित गरिएको छ ।
संघको पदभार हस्तान्तरण कार्यक्रम आगामी मंगलबार एक विशेष कार्यक्रमको आयोजना गरि हुँदैछ ।
प्रकाशित मितिः २०७४ असार २
वि.सं.२०७४ असार ४ आइतवार १७:०७ मा प्रकाशित