काठमाण्डौं । तारा हेर्ने उत्कृष्ट ठाउँहरुको सूची सार्वजनिक भएको छ । यो सूचीमा नेपाल पनि परेको छ । नेशनल जिओग्राफीले सार्वजनिक गरेको यो सूचिमा सगरमाथा नेशनल पार्कबाट ताराहरु मज्जाले हेर्न सकिने जनाइएकोछ ।
सूचि सार्वजनिक भएसँगै नेशनल जोग्राफिकका लेखक बबाक ए तफरेसीले भनेका छन् ‘नेपालीमा सगरमाथा भन्नाले आकाशको निधार भनेर चिनिन्छ । मैले अहिलेसम्म देखेको सबैभन्दा अचम्मलाग्दो नाटकीय आकास भनेको सगरमाथा यात्राको क्रममा हो । नाम्चे बजार नजिकै रहेको सगरमाथा राष्ट्रिय निकुञ्जबाट संसारकै सर्वोच्च शिखर माथि ताराहरु चम्किएको अत्यन्त मज्जाले देख्न सकिन्छ ।’
यस्तै चिलीको अटाकामा मरुभूमि, हवाईको टापु, दक्षिण पश्चिम अमेरिकाको राष्ट्रिय निकुञ्ज, क्यानरी द्वीपको ला पाल्मा, पश्चिमी अष्ट्रेलिया आउटब्याक, पोर्चुगलको अल्केभा पनि तारा हेर्ने उत्कृष्ट गन्तव्यमा परेका छन् ।
२१ कार्तिक २०७३, ४।००
वि.सं.२०७३ कात्तिक २१ आइतवार १६:२३ मा प्रकाशित
