कावासोती । मंसिरमा हुने चुनावका लागि नेकपा एमालेले नवलपुर —२ ( नवलपरासी बर्दघाट सुस्ता पूर्व) मा केन्द्रीय सदस्य तथा युवा नेता तिलक महतलाई सर्वसम्मत उम्मेदवार बनाएको छ ।
अनेरास्ववियुको राजनीति शुरु गरेका महत एमाले पार्टीमा सफल नेताको रुपमा पहिचान बनाएका छन् । पार्टी पक्तिमा लोकप्रिय रहेका महत जनप्रतिनिधिको लागि भने पहिलो पटक चुनावमा भिड्दै छन् । संघीय संसदका लागि ठुलो भुगोल रहेको दुई नं. क्षेत्रमा कार्यकर्ताले रोजेपछि उनी एकल सिफारिसमा परेका हुन् ।
संघीय संसदको निर्वाचन क्षेत्र नं. १ मा डा. गोपाल खनाल, कृष्ण पौडेल र शुश्मा काफ्लेको नाम सिफारिस भएको छ । त्यस्तै क्षेत्र नं. १ (क) मा षडानन्द लामिछाने, यमुनाथ आचार्य, गीता तिवारी (ख) मा पार्टी अध्यक्ष रोशनबहादुर गाहा, धर्मदत्त भुसाल र पार्वता पाण्डे निर्वाचन क्षेत्र नं. २ को (क) मा सुर्यप्रसाद पाण्डे, रामकृष्ण ढुङ्गाना र ईश्वरी ढकाल र (ख)मा जनकलाल श्रेष्ठको एकल नाम सिफारिस गरेको छ ।
संघीय संसदको क्षेत्र नं. २ र प्रदेशको २ (ख) मा एकल नाम सिफारिस भएको छ । भने अन्य क्षेत्रमा तीन/तीन जनाको नाम सिफारिस भएको छ । यी नाम संगै जिल्ला कमिटिको बैठकले समानुपातिक सदस्यहरु नाम समेत समावेश गरेर प्रदेश हुँदै केन्द्रिय कमिटिमा असोज २० गते भित्र सिफारिस गर्ने एमाले नवलपुरका सह संयोजक जीवन श्रेष्ठले जानकारी दिए ।
१८ असोज २०७४
वि.सं.२०७४ असोज १८ बुधवार २१:४५ मा प्रकाशित
