काठमाण्डौं । मोबाईल सेवा प्रदायक कम्पनी एनसेलका सबै ग्राहकले अब प्रतिमिनेट एक रुपैयाँ ९९ सय पैसामा भारतमा फोन गर्न पाउने भएका छन् । एनसेलले भारतको कल महशुललाई ३३ प्रतिशतले घटाएको हो । यस अघि भारत फोन गर्दा दुई रुपैयाँ ९९ पैसा लाग्ने गरेको थियो ।
ईन्डिया कलिङ योजना आज बुधबारबाट तीन महिनाका लागि लागु हुनेछ । यस योजनाअन्तर्गत एनसेलका प्रिपेड र पोष्टपेड सबै ग्राहकले अब कर बाहेक फ्ल्याट एक रुपैयाँ ९९ पैसा प्रतिमिनेटमा भारतको कुनै पनि नेटवर्कमा कुरा गर्न सक्नेछन् ।
ग्राहकले एस्ट्रिक्स् १७१०७ ह्यास डायल गरी योे योजनामा निशुल्क सहभागी हुन सक्ने एनसेलले जारी गरेको विज्ञप्तिमा उल्लेख छ । साथै ग्राहकले अंग्रजीमा ‘ए’ टाइप गरी १७१०७ मा एसएमएस पठाएर पनि योे योजना सुचारु गर्न सक्छन् ।
२२ असार २०७३, ९।००
वि.सं.२०७३ असार २२ बुधवार १२:१० मा प्रकाशित
