काठमाण्डौं । नेको इन्स्योरेन्स ले निष्काशन गरेको शतप्रतिशत हकप्रद भर्ने आज सोमबार अन्तिम दिन रहेको छ । नेको इन्स्योरेन्सले एक सय रुपैंया अंकित मूल्यमा एक बराबर एकको अनुपातमा ३२ लाख ४० हजार चार सय ३६ कित्ता सेयर निष्काशन गरेको हो ।
नेकोको हकप्रदमा पुस १३ गतेसम्ममा कायम सेयरधनीले आवेदन गर्न सक्नेछन । इन्स्योरेन्सको सेयर निष्काशन तथा बिक्री प्रबन्धक एनएमबी क्यापिटल रहेको छ । फागुन ३ देखि इन्स्योरेन्सले हकप्रद निष्काशन गरेको थियो ।
कम्पनीका सेयरधनीहरुले एनएमबि क्यापिटल नागपोखरी, नक्साल तथा एनएमबि बैंकका कलंकी, सूय्र्विनायक भक्तपुर, कुमारीपाटी ललितपुर, तीनदोबाटो बनेपाबाट हकप्रदको आवेदन गर्न सक्नेछन् । त्यसैगरी एनएमबि बैंकको आदर्शनगर वीरगन्ज, मिलनचोक बुटवल, बसपार्करोड धनगढी, भानुचोक जनकपुर, न्यूरोड पोखरा, नारायणगढ चितवन, सुर्खेतरोड नेपालगन्ज, रंगेलीरोड बिराटनगर, महेन्द्रपथ धरान र बिर्तामोड झापाबाट पनि लगानीकर्ताले हकप्रदको आवेदन गर्न सक्ने बताइएको छ ।
७ चैत २०७३, ११।००
वि.सं.२०७३ चैत ७ सोमवार ११:०१ मा प्रकाशित
