काठमाडौँ । नयाँदिल्लीबाट काठमाडौंका लागि उडान भर्न तयारी अवस्थामा रहेको नेपाल वायुसेवा निगमको बिमानमा बम भएको हल्ला निराधार रहेकाे पुष्टि भएकाे छ । आरए–२०६ नम्बरको फ्लाइटमा सुरक्षा जाँच पछि कुनै बम फेला नपरेकाे बताइएको छ ।
नयाँदिल्लीस्थित इन्दिरा गान्धी अन्तर्राष्ट्रिय विमानस्थलमा यात्रुहरूलाई चढाएर उड्नका लागि ‘पुसब्याक’ गरिरहेको अवस्थामा प्लेनमा बम भएको सूचना त्यहाँको टावरमा पुगेको स्रोतले भन्यो । रनवेतर्फ जाँदै गरेको जहाजलाई एयर ट्रफिकले, जहाजमा बम राखिएको सूचना आएको बताएका थिए ।
एनएको रेजिस्ट्रेसन नम्बर 9N-AKX भएको एयरबस ३२० लाई वरिष्ठ क्याप्टेन विजय लामा र कोपाइलट दिपु जुआरचनले दिल्लीबाट काठमाडौं ल्याउँदै थिए । सबै यात्रुलाई ओरालेर जाँच गर्दा कुनै प्रमाण न भेटिएपछि बिमान उडानको तयारीम छ ।
४ चैत २०७२ / ३ १८
वि.सं.२०७२ चैत ४ बिहीवार १५:२४ मा प्रकाशित
