काठमाण्डौं । धितोपत्र बोर्डबाट नेपाल बंगलादेश बैंकले असी प्रतिशत अर्थात १० कित्ता बराबर आठ कित्ताको अनुपातले सेयरधनीलाई हकप्रद निष्काशन गर्न अनुमति पाएको छ ।
बैंकले प्रति कित्ता एक सय रुपैयाँका अंकित मूल्यको ३ अर्ब २० करोड ९४ लाख ६ हजार ८ सय ८० रुपैयाँ बराबरको ३ करोड २० लाख ९४ हजार ६८ दशमलब ८० कित्ता हकप्रद सेयरको जारी गर्ने अनुमति पाएको हो ।
बंगलादेश बैंकको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ । हाल बैंकको चुक्ता पूँजी ४ अर्ब १ करोड रुपैयाँ रहेको छ । हकप्रदपछि बैंकको पूँजी करिब ७ अर्ब २२ करोड ११ लाख रुपैँया पुग्नेछ । बैंकले चालु आर्थिक वर्षको दोस्रो त्रैमासमा ५४ करोड ६ लाख रुपैयाँ खुद नाफा कमाएको छ । बैंकको प्रतिसेयर आम्दानी २७ रुपैयाँ अनि प्रतिसेयर नेटवर्थ १६४ रूपैयाँ छ ।
१८ फागुन २०७३, ११।००
वि.सं.२०७३ फागुन १८ बुधवार १२:२२ मा प्रकाशित
