काठमाण्डौं । हकप्रद दिने हल्ला चलेपछि आज मंगलबार सेयर बजारमा नेपाल बंगलादेश बैंकको करिब २९ करोड रुपैयाँको सेयर किनबेच भएको छ । बैंकले लगानीकर्तालाई ८० प्रतिशतसम्म हकप्रद दिनसक्ने हल्ला दिनभर पुँजी बजारमा चलेपछि बैंकको सेयर मूल्य बढेको हो ।
बैंक सञ्चालक समितिले भने यस्तो कुनै निर्णय अहिलेसम्म सार्वजनिक गरिसकेको छैन । बैंकले केही दिनमै सञ्चालक समितिको बैठक बोलाउने र हकप्रदको घोषणा गर्ने अनुमानकै भरमा आजको सेयर बजारलाई दिनभर यही बैंकले नै अगाडि लगिरहेको थियो ।
दिनभरमा यो बैंकको तीन लाख ६८ हजार कित्ता साधारण सेयर किनबेच भयो । लगानीकर्ताले प्रतिकित्ता सात प्रतिशत भन्दा धेरै कमाए । दिनभरमा कारोबार मात्रै ९३१ पुग्यो ।
२५ जेठ २०७३, ४।३०
वि.सं.२०७३ जेठ २५ मंगलवार १६:५७ मा प्रकाशित
