काठमाण्डौं । नेपाल बैंकले लिलामीमा राखेको नेपाल ईन्स्योरेन्सको सबै शेयर बिक्री भएको छ । नेपाल बैंकको स्वामित्वमा रहेको नेपाल इन्स्योरेन्स लगायतका कम्पनीको शेयर बिक्रीको जिम्मा लिएको सिद्धार्थ क्यापिटलका अनुसार लिलामीमा राखेको सबै शेयर बिक्री भएको हो ।
बिक्री भएको शेयरको बाँडफाँड भने केहि दिनमा गरिने क्यापिटलले जनाएको छ । शेयर बिक्रीबाट नेपाल बैंकले झण्डै ५० करोड रुपैयाँ आम्दानी गरेको छ ।
नेपाल बैंकले आफ्नो स्वामित्वमा रहेको नेपाल ईन्स्योरेन्सको १० लाख ३१ हजार ६७४ कित्ता संस्थापक शेयर लिलामीमा राखेको थियो । जसमा ५७ बोलपत्र मार्फत ६३ आवेदन परेको थियो ।
न्युनतम् मूल्य ४०० रुपैयाँमा तोकिएको शेयरमा न्युनतम् ४५७ रुपैयाँ देखि अधिक्तम ६३३ रुपैयाँसम्म बोलकबोल गर्नेले आवेदकले नेपाल इन्स्योरेन्सको शेयर पाएका छन् । बिक्री भएको शेयरको बाँडफाँड भने केहि दिनभित्रै गरिने सिद्धार्थ क्यापिटलले जनाएको छ ।
६ जेठ २०७३, १०।००
वि.सं.२०७३ जेठ ६ बिहीवार १२:४१ मा प्रकाशित
