काठमाडौं । दुई देशवीचको आर्थिक, सामाजिक एवं निजी क्षेत्रको सम्वन्ध विस्तार गर्ने विषयमा नेपालका लागि फ्रान्सेली राजदूत याभिस कारामोना र नेपाल चेम्बर अफ कमर्शका पदाधिकारीबीच फ्रान्सेली लगानी भित्र्याउने विषयमा छलफल भएको छ ।
छलफलमा राजदूत मारामोनाले नेपाल र फ्रान्सवीचको आर्थिक विकासमा आफूले सक्दो सहयोग गर्ने जानकारी दिँदै सम्वन्ध विस्तारमा निजी क्षेत्रको भूमिकालाई प्रभावकारी बनाउनु पर्ने बताएका छन् ।
यसका साथै, दुई देशबीचको आर्थिक, सामाजिक सम्वन्धलाई अझ मजबुत बनाउन काठमाडौं –पेरिस प्रत्यक्ष हवाई उडानको आवश्यकता रहेको विषयमा पनि छलफल भएको थियो । यसका साथै नेपालस्थित फ्रान्सेली दूतावासबाटै भिसा जारी हुनुपर्ने माग पनि व्यवसायीहरुले राखेका थिए ।
सो भेटघाट एवं छलफल कार्यक्रममा चेम्वरका अध्यक्ष राजेशकाजी श्रेष्ठ, वरिष्ठ उपाध्यक्ष लोकमान्य गोल्छा, प्रथम उपाध्यक्ष ज्ञानेन्द्ररत्न तुलाधर, द्वितीय उपाध्यक्ष राजेन्द्र मल्ल, महासचिव कमलेशकुमार अग्रवाल लगायत कार्यसमिति सदस्यको उपस्थिती रहेको थियो ।
१९ फागुन २०७२, २.००
वि.सं.२०७२ फागुन १९ बुधवार १४:३४ मा प्रकाशित
