काठमाण्डौं । चार विकास बैंकलाई आफुमा गाभेको नेपाल क्रेडिट एण्ड कमर्श बैंकको सेयर कारोबार सेयर कारोबार आजबाट सुचारु भएकोछ । बैंकले बितरण गरेको बोनस समेत समायोजन भएर प्रति कित्ता तीन सय १३ रुपैंयामा बैंकको सेयर कारोबार खुलेको हो ।
झण्डै दुई बर्षदेखि सेयर कारोबार रोकिदा लगानीकर्ताहरु मर्कामा परेको बताइरहेका थिए । जनवरी १ बाट बैंकको एकीकृत कारोबार सुरु भएको थियो । त्यसको झण्डै अढाई महिना पछि मात्र सेयर कारोबार सुचारु भएको हो ।
एनसिसीसंग एपेक्स डेभलपमेन्ट बैंक, इन्फ्रास्ट्रक्चर डेभलपमेन्ट बैंक, इन्टरनेशनल डेभलपमेन्ट बैंक र सुप्रिम डेभलपमेन्ट बैंक गाभिएका थिए । एनसीसीमा गाभिदा एनसीसीको एकसय कित्ता बराबर ईन्फ्रास्ट्रक्चरका सेयरधनीले ७६, ईन्टरनेशनलकाले ७२, सुप्रिमकाले ७५ र एपेक्सकाले ४७ कित्ता सेयर पाउने गरी स्वाप रेसियो डीडीएबाट तय भएको थियो ।
२३ फागुन २०७३, ११।००
वि.सं.२०७३ फागुन २३ सोमवार १२:१० मा प्रकाशित