काठमाण्डौं । सुनको मूल्य अघिल्लो दिनको तुलनामा आज ४ सय रुपैयाँले बढेर प्रतितोला ५७ हजार रुपैयाँ पुगेको नेपाल सुनचाँदी व्यवसायी महासंघले जनाएको छ।
यसअघि मंगलबार र बुधबार सुन प्रतितोला ५६ हजार ६ सय रुपैयाँमा कारोबार भएको थियो।
अमेरिकी अर्थतन्त्रमा अपेक्षाअनुसार सुधार आउन नसक्दा सुनको लगानीतर्फ आकर्षण बढेको छ। जसले गर्दा अन्तर्राष्ट्रिय बजारमा सुनको मूल्य महँगिएपछि नेपालमा पनि असर परेको हो ।
त्यस्तै चाँदीको मूल्य पनि ८ सय ५ पुगेको छ। यसअघि हिजो ७ सय ९५ रुपैयाँमा कारोबार भएको चाँदी आज तोलामा १० रुपैयाँले महँगिएको छ। यसअघि वैशाख १९ गते चाँदीको मूल्य ८ सय ५ रुपैयाँ पुगेको थियो। त्यसयता चाँदीको भाउ केही घटेको थियो।
प्रकाशितः २०७३ असार २
वि.सं.२०७३ असार २ बिहीवार १२:१८ मा प्रकाशित