काठमाण्डौं । नेपाल इन्भेष्टमेन्ट बैंकले भुकम्पले क्षति पुर्याएको हनुमानढोकास्थित जगन्नाथ र गोपिनाथ मन्दिर पुनर्निर्माण गर्न एक करोड रुपैयाँ आर्थिक सहयोग गर्ने भएको छ ।
आर्थिक सहयोगको घोषणा गर्दै बैंकका अध्यक्ष पृथ्वीवहादुर पाँडेले पुरातत्विक महत्वका मठमन्दिरलाई संरक्षण तथा प्रवर्धन गर्न इन्भेष्टमेन्ट बैंक सँधैव तत्पर रहेको बताए । उनले यसअघि पनि विभिन्न मन्दिरहरु पुनर्निर्माण गराएको जानकारी दिए ।
जापान सरकारको लगानीमा पुनर्निर्माण अगाडि बढाउने तयारी गरिरहेका बेला नेपाल इन्भेष्टमेन्ट बैकले पनि आर्थिक सहयोग गर्ने भएको हो । यो मन्दिर निर्माणका लागि जापानले करिव एक करोड ५० लाख रुपैयाँ लगानी गर्ने छ ।
युनेस्कोको प्रत्यक्ष निगरानीमा हुने पुनर्निमार्णको सम्पूर्ण प्राविधिक पक्ष उसैले हेर्ने छ । पुरातत्व विभागको स्वीकृति लिएर पुरानै स्वरुपमा दुई मन्दिर पुनर्निर्माण गर्न लागिएको हो । सन् १९३४ तिरै भत्किएको मन्दिर यसपालीको भुक्तपले जर्जर भएको थियो ।
१७ असोज २०७३, ३.३०
वि.सं.२०७३ असोज १७ सोमवार १६:५१ मा प्रकाशित
