काठमाण्डौं । नेपाल इन्भेष्टमेण्ट बैंकको पाँच वर्ष पुरानो नगद लाभांस अब पाँच कार्य दिन भित्रमा लगानीकर्ताले संकलन नगरे संरक्षण कोषमा जाने बताएकोछ । बैंकले सूचना प्रकाशित गर्दै चैत २० भित्र लाभांश संकलन नगरे उक्त रकम लगानीकर्ता संरक्षण कोषमा पठाउने बताएको हो ।
यदि पाँच वर्ष पुरानो लाभांश लिन अझै बाँकी छ भने बैंकको सेयर निष्काशन तथा बिक्री प्रबन्धक एनआईबिएल क्यापिटलमा तत्काल सम्पर्क राख्नु पनि बैंकले सूचना जारी गरेकोछ ।
अहिलेसम्म पाँच वर्ष पुरानो मात्र नगद लाभांस ८५ लाख रुपैंयाको हाराहारीमा रहेको भन्दै बैंकले आफ्नो लाभांश संकलन गर्न लगानीकर्तालाई आग्रह गरेको छ । बैंकका अनुसार प्रारम्भिक तथ्यांक लगानीकर्ता संरक्षण कोषमा पठाइ सकिएको छ । सो तथ्यांकबाट चार दिनमा लगानीकर्ताले संकलन गरेको रकम घटाएर कोषमा जम्मा हुनेछ ।
१४ चैत २०७३, १।००
वि.सं.२०७३ चैत १४ सोमवार १४:३८ मा प्रकाशित
