काठमाडौं । नेपाल लाइफ इन्स्योरेन्स कम्पनीले आज बिहीबार कुल ३० लाख ९६ हजार ४२९ कित्ता सेयर जारी गर्ने जनाएको छ । यसरी जारी गर्न लागेको सेयरको प्रति कित्ता मूल्य रु २९ सय ५१ रुपैयाँ तोकिएको छ । अहिले कम्पनीको सेयर प्रतिकित्ता रु ४३ सय ५० रुपैयाँमाथि कारोवार भइरहेको छ ।
कम्पनीले १०० रुपैयाँ अंकित दरको सेयरमा २८ सय ५१ रुपैयाँ प्रिमयम जोडेर प्रति कित्ता मूल्य रु २९ सय ५१ रुपैयाँ तोकिको हो ।
कम्पनीले संस्थापक समूहमा रहेको ८० प्रतिशत सेयरलाई ७० प्रतिशतमा झार्दै बाँकी १० प्रतिशत अतिरिक्त सेयर निस्कासन गरेको हो । यसबाट कम्पनीको पुँजीमा ३० करोड ९६ लाख रुपैयाँ थपिने छ । बाँकी ८ अर्ब ८२ करोड रुपैयाँ कम्पनीको जगेडा कोषमा जाने छ ।
अहिले कम्पनीको पुँजी दुई अर्ब १६ करोड ७५ लाख रुपैयाँ छ । यो पुँजीका आधारमा कम्पनीले संस्थापक समूहमा रहेको १० प्रतिशतलाई साधारणमा झार्ने गरी एफपिओ गरेको हो ।
२७ जेठ २०७३, १।००
वि.सं.२०७३ जेठ २७ बिहीवार १३:१३ मा प्रकाशित