काठमाण्डौं । नेपाल लाइफ इन्स्योरेन्सको एफपिओमा करिब ४० अर्ब रुपैयाँभन्दा बढी नै मूल्यको आवेदन परेको कम्पनीको सेयर बिक्री प्रबन्धक सिद्धार्थ क्यापिटलले जनाएको छ।
अन्तिम दिन आइतबार मात्र करिव २४ अर्ब रुपैयाँको आवेदन परेको र बाँकी ३५ वटा संकलन केन्द्रको तथ्यांक आउन बाँकी नै रहेकोले सेयर आवेदन ४० अर्बको हुने अनुमान क्यापिटलले गरेको हो ।
नेपाल लाइफले चार अर्ब ४१ करोड रुपैयाँ बराबरको ३० लाख ९६ हजार ४९९ कित्ता एफपिओ जारी गरेको हो। करिब साढे चार अर्बको एफपिओमा साढे ४० अर्ब रुपैयाँ भन्दा बढीको आवेदन परेको हो ।
नेपाल लाइफले प्रति कित्ता एक सय रुपैयाँको सेयरमा १३ सय २५ रुपैयाँ प्रिमियम थप गरेर प्रति कित्ता १४ सय २५ रुपैयाँका दरले एफपिओ जारी गरेको थियो। पुस २७ बाट आवेदन खुलेको कम्पनीको सेयरमा माघ २ गते आइतबारसम्म आवेदन दिने समय थियो।
३ माघ २०७३, ११।००
वि.सं.२०७३ माघ ३ सोमवार १२:३९ मा प्रकाशित