काठमाडौं । करीब ३ हजारसम्म मूल्य तोकेर प्रस्ताव गरेको नेपाल लाइफ इन्स्योरेन्सको शेयरको लागी लगानीकर्ताले १ हजारभन्दा पनि कम पर्ने सम्भावना देखिएको छ ।
अत्यधिक मूल्य राखेर एफपिओको प्रस्ताव गरेको कम्पनीलाई नेपाल धितोपत्र बोर्डले १ हजारभन्दा कम दर नै दिने सम्भावना रहेको बोर्ड स्रोतले बताएको छ । बीमा कम्पनीबाट अप्रत्याशित रुपमा आईपिओको जारीको मूल्य प्रस्ताव आएपछि धितोपत्र बोर्डले प्रिमियम मूल्य तय गर्ने प्रणाली बिकासको लागि एक कार्यसमिति नै निर्माण गरेर कार्य थालेको छ ।
कम्पनीले हालसम्म कै उच्च मूल्य २ हजार ९ सय ५१ (प्रिमियम सहित) रुपैयाँमा प्रतिकित्ता शेयर निष्कासन गर्ने सार्वजनिक गरेको हो । कम्पनीले ३० लाख ९६ हजार ४ सय २९ कित्ता शेयर जारी गर्ने योजना सार्वजनिक गरेको थियो ।
हालसम्म भने एफपीओ जारी गर्दा मूल्य तोक्ने आधिकारिक नीतिगत वयवस्था थिएन ।
प्रकाशितः २०७३ साउन ४
वि.सं.२०७३ साउन ४ मंगलवार १२:०९ मा प्रकाशित