काठमाण्डौं । नेपाल लाइफ इन्स्योरेन्स कम्पनीले डिम्याट सेयर मात्रै वितरण गर्ने भएको छ । डिम्याट सेयरको मात्रै कारोबार भइरहेकोले कागजी प्रमाणपत्र वितरण नगर्ने जानकारी कम्पनीले दिएको हो ।
यो कम्पनीको सेयर किनेका लगानीकर्तालाई सबै सेयर डिम्याट गराउन आग्रह गर्दै कम्पनीले हाल घोषणा गरेको बोनस सेयर पनि डिम्याट मात्रै दिने जनाएको छ। भौतिक सेयर प्रमाण पत्र उपलब्ध गराउँदा यस्ता प्रमाणपत्रको कारोबार गर्न पुनः डिम्याट गर्नुपर्ने हुँदा डिम्याट मात्रै दिने कम्पनीले जनाएको छ ।
डिम्याट खाता खोलिसकेका लगानीकर्तालाई भने बोनस सेयर सूचीकरण पछि सिधै खातामै सेयर जम्मा गरिदिने जानकारी पनि कम्पनीले गराएको छ । त्यस्तै भौतिक सेयर प्रमाण पत्र लिएर बसेका लगानीकर्तालाई यस्तो सेयर डिम्याट गराउन पनि नेपाल लाइफले आग्रह गरेको छ ।
वि.सं.२०७३ वैशाख ६ सोमवार १५:११ मा प्रकाशित
