काठमाण्डौं । खाना पकाउने ग्याँस पाउनु भएको छैन भने अब एक कल फोनकै भरमा तपाईले ग्याँस पाउनु हुने भएकोछ । नेपाल आयल निगमले आज एक प्रेस विज्ञप्ति जारी गर्दै निगमले खाना पकाउने ग्यासका लागि कन्ट्रोल रुमको व्यवस्था गरेको जानकारी दिएको छ भने ०१–४२६२५८६ मा टेलिफोन गरेर ग्यासको बारेमा सबै जानकारी पाउने व्यवस्था गरेको बताएकोछ ।
त्यस्तै निगमले अरु पेट्रोलियम पदार्थको हकमा पनि छुट्टै टेलिफोनको व्यवस्था गरेको छ । निगमले ०१–४२६३४८१,४२६३४८२ र ४२६४६०० मा टेलिफोन गरेर अरु पेट्रोलियम पदार्थको आपूर्ति बारेमा जानकारी पाउने निगमले जनाएको छ ।
निगमका अनुसार भारतबाट माग अनुसारको पेट्रोलियम पदार्थ आइरहेको छ । निगमले माग अनुसार पेट्रोलियम पदार्थ बजारमा पठाइरहेको जनाउँदै यस्तो अवस्थामा पनि केही समूहले अनावश्यक हल्ला फैलाउने काम गरेको जनाएको छ ।
२१ बैशाख २०७३, १२।००
वि.सं.२०७३ वैशाख २१ मंगलवार १२:३० मा प्रकाशित