काठमाण्डौं । राष्ट्र बैंकले तोकेको समयवधिभित्र आठ अर्ब चुक्तापूँजी पुर्याउन नेपाल एसबिआई बैंकले चालीस प्रतिशत हकप्रद र २८ प्रतिशत वोनस वितरणको प्रस्ताव पेश गर्दैछ । यसका साथै बैंकले कर प्रयोजनका लागि १ दशमलब ५३ प्रतिशत नगद लाभांस दिने प्रस्ताव गरेकोछ ।
बैंकको यही माघ २७ गते बार्षिक साधारणसभा हुँदैछ । साधारणासभाको लागि बैंकले माघ २३ गतेदेखि २७ गतेसम्म सेयरधनी दर्ता पुस्तिका बन्द गर्ने भएको छ । बैंकले दिने बोनस सुरक्षित गर्न माघ २२ गतेसम्म बैंकको सेयर खरिदगरी सक्नुपर्नेछ ।
हाल बैकको ३ अर्ब ८८ करोड रुपैयाँ चुक्तापूँजी रहेको छ । उक्त बोनस वितरण पश्चात बैंकको पूँजी ४ अर्ब ९७ करोड रुपैयाँको हाराहारीमा पुग्नेछ । हकप्रद पश्चात बैंकको पूँजी झण्डै ७ अर्ब रुपैयाँ पुग्नेछ ।
केही हप्ता अगाडि ६७ हजार कित्ता एफपिओ जारी गरेर बैंकको ६७ लाख रुपैयाँ चुक्तापूँजी थप गरेको छ । चालु आर्थिक बर्षको पहिलो तीन महिना असोज मसान्तसम्मा बैंकले ३५ करोड रुपैयाँ खुद नाफा कमाएको छ । यसअवधिमा बैंकको प्रतिशेयर आम्दानी ३६ दशमलव ४८ रुपैयाँ, नेटवर्थ १ सय ८८ रुपैयाँ ७९ रुपैयाँ रहेको छ ।
६ माघ २०७३, १२।३०
वि.सं.२०७३ माघ ६ बिहीवार १२:४३ मा प्रकाशित