काठमाण्डौं । हिजो आइतबार करिब ४१ अंकले घटेको सेयर बजारको सूचक आज सोमबार पुनः ३९ अंकले घट्न पुगेकोछ । तर सूचक घटेपनि अघिल्लो दिनको तुलनामा आज कारोबार रकम भने ५ करोड रुपैयाँभन्दा बढीले बढेको छ ।
सोमबार बजार ३९.१२ अंकले झरेर १६९४.८१ विन्दुमा पुगेको छ । यसदिन १४१ कम्पनीको एक अर्ब १९ करोड रुपैयाँ बराबरको सेयर किनबेच भएको छ । कारोबारमा आएका सबै समूहको सूचक ओरालो लागेपछि घटेको बजारमा सबैभन्दा धेरै बीमा समुहको परिसुचक २३४ अंकले ओरालो लागेको छ ।
त्यस्तै आज सेयर बजारमा होटल समूह ७६.५९, जलविद्युत ४९.६१, वणिज्य बैंक ४०.८८, विकास बैंक ३७.९९ र फाइनान्स २.८ अंकले ओरालो लागेको छ ।
३१ साउन २०७३, ३।३०
वि.सं.२०७३ साउन ३१ सोमवार १५:४१ मा प्रकाशित