काठमाडौँ । साताको नेप्से परिसूचक पहिलो दिनको तुलनामा १०.९७ अंकले बढेर अन्तिम दिन १६४६.५३ अंकमा पुगेको छ । यस साता नेपाल स्टक एक्सचेन्जमा १७० कम्पनीहरुको कारोबार भएको छ ।
जस अनुसार ४३३६८ कारोबारबाट ५ अर्ब ५३ करोड १८ लाख ६६ हजार रुपैयाँ बराबरका ९० लाख ५८ हजार ७० कित्ता सेयरहरु खरिद बिक्री भएको हो । कारोबार रकम गत साताको भन्दा १६.७५ प्रतिशत बढेको छ । गत साता १६५ कम्पनीहरुको कारोबार भएको थियो । जस अनुसार ३९४३७ कारोबारबाट चार अर्ब ७३ करोड ८२ लाख ७६ हजार रुपैयाँ बराबरका ८७ लाख ५३ हजार आठ सय ८० कित्ता सेयरहरु खरिद बिक्री भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा ०.७८ अंकले घटेर ३४६.२३ अंकमा आईपुगेको छ ।
यस साता कारोबार रकम (२७ करोड ७८ लाख ५० हजार रुपैयाँ) को आधारमा प्रभु इन्स्योरेन्स लिमिटेड अग्रस्थानमा रहेको छ । त्यसैगरी कारोबार भएको सेयर संख्या (आठ लाख ६४ हजार कित्ता) को आधारमा नेसनल हाइड्रो पावर कम्पनी लिमिटेड अग्रस्थानमा रहेको छ । त्यसैगरी कारोबार संख्या (३२०५ वटा) को आधारमा नेपाल लाइफ इन्स्योरेन्स कम्पनी लिमिटेड अग्रस्थानमा रहेको छ ।
प्रकाशित मितिः २०७४ साउन १४
वि.सं.२०७४ साउन १४ शनिवार ०८:०४ मा प्रकाशित
