काठमाडौं। नेप्से सूचकले सोमवार एक महिना यताकै सबैभन्दा झड्का दिएकोछ । १७२२ अंकमा रहेको नेप्से सूचक सोमवार २०.२६ अंकले तल झरेर बन्द भएको छ ।
बैंकसँग सम्बन्धित तीनवटै समूहहरु र इन्स्योरेन्समा गिरावट आएपछि समग्र सेयर बजारमा गिरावाट देखिएको हो । बैंक सूचक ७.४२ अंक, विकास बैंक २७.७७ अंक र फाइनान्स ६.३८ अंकले तल झरेका छन् भने इन्सुरेन्सको सूचक २१७.५२ अंकले तल झरेर बन्द भएको छ।
सूचक घटेपछि त्यसको असर कारोवारमा समेत परेको छ। सोमवार कुल ९१ करोड ४२ लाख रुपैयाँको मात्रै सेयर कारोवार भएको छ। यसअघि बजारमा नियमित एक अर्व माथिको कारोवार भैरहेको थियो।
२७ असार २०७३, ४।००
वि.सं.२०७३ असार २७ सोमवार १६:३२ मा प्रकाशित
