काठमाडौ । निरन्तर ओरालो लागिरहेको सेयर बजार परिसूचक नेप्से सोमबार २०.८२ अंकले तल झरेको छ । बजार घट्दा कारोबार रकममा भने सामान्य बढोत्तरी भएको छ । बजार परिसूचक १५५५.१६ अंकमा कायम हुन पुगेको छ ।
बजार घट्दा पनि कारोबार रकम भने झण्डै छ करोड रुपैयाँले बढेको छ । बजार घटेको मौकामा खरिदकर्ता उत्साहित बन्दा कारोबार रकमले बजारलाई साथ दिएको हो ।
सोमबार एक सय ३७ कम्पनीका ८ लाख १४ हजार ४ सय ५३ कित्ता सेयर ५ हजार ८ सय १२ पटक किनबेच हुँदा ६४ करोड ९८ लाख ८ हजार ३ सय १५ रुपैंयाको किनबेच भएको छ । आइतबार ५९ करोड ३३ लाख रुपैयाँको कारोबार भएको थियो ।
सोमबार एभरेष्ट इन्स्योरेन्स, एभरेष्ट बैंक, प्राइम लाइफ, स्टाण्डर्ड चार्टर्ड बैंक, लुम्बिनी जनरल इन्स्योरेन्स लगायत कम्पनीका सेयर अधिक कारोबार भएका छन् ।
सोमबार सबै समूहको परिसूचक रातो रंगले पोतिएको छ । बीमा समूहमा सबैभन्दा धेरै १४२.८९ अंकको गिरावट आएको छ ।
राजनितिक वाताबरण राम्रो बन्न नसक्दा सेयर बेच्नेको चाप बढेपछि बजार ओरालो लागेको अनुमान गरिएको छ ।
प्रकाशित मितिः २०७४ असार ५
वि.सं.२०७४ असार ५ सोमवार १६:४९ मा प्रकाशित
